Një video e publikuar nga Radio Evropa e Lirë tregon një ambulancë duke kaluar nëpër qytetin bjellorus, Gomel, i cili kufizohet me Ukrainën, transmeton Demokracia.com.

Videoja është nga fillimi i marsit, dhe sipas Daily Mail, punonjësit e një spitali aty pranë pohojnë se deri më 13 mars, më shumë se 2500 trupa ishin dërguar në Rusi.

Stafi mjekësor bjellorus në Gomel thotë se morgjet e tyre janë plot.

200 kilometra larg, por sërish në zonën pranë kufirit me Ukrainën, një banor i Mazirit pohon:

“Pasagjerët në stacionin e trenit u tronditën nga numri i trupave të ngarkuar në tren. Pasi njerëzit filluan xhirimet, ushtria i kapi dhe urdhëroi t’i fshinin pamjet”.

A railway car is filled with bodies in Russian uniforms, a local resident recalls confronting Russian troops who entered his front yard during the Russian assault on the area. Voznesensk was attacked by Russian forces but is still in Ukrainian hands. pic.twitter.com/c4QEzCr8Ba

— Radio Free Europe/Radio Liberty (@RFERL) March 18, 2022

Daily Mail citon gjithashtu një deklaratë të një mjeku nga një spital në Mazir, i cili tha se nuk kishte mjaft kirurgë, por gjithashtu konfirmoi atë që tha qytetari: “Më parë, trupat u transportuan me ambulancë dhe u ngarkuan në trenat rusë. Pas postimit në rrjetet sociale, trupat filluan të ngarkoheshin natën për të mos tërhequr vëmendjen”.

“Ka kaq shumë rusë të plagosur atje, është e tmerrshme. Ata janë shpërfytyruar tmerrësisht.”

Më 1 mars, spitali Gomel filloi largimin e pacientëve për shkak të numrit të madh të ushtarëve rusë të plagosur që duhej të trajtoheshin, transmeton Demokracia.com.

“Ka kaq shumë rusë të plagosur atje, është e tmerrshme. Ata janë tmerrësisht të shpërfytyruar. Është e vështirë të dëgjosh ankimet e tyre që bëjnë jehonë në të gjithë spitalin”, tha një pacient që u lirua në shtëpi.

Gomel kufizohet me Rusinë në lindje dhe Ukrainën në jug. Është qyteti më i madh bjellorus pas Minskut dhe qendra kryesore tregtare.

Ukrainasit pretendojnë se kanë vrarë mbi 14,000 ushtarë rusë, ndërsa rusët nuk e komentojnë këtë shifër. Rreth dy javë më parë, agjencitë ruse lëshuan një deklaratë nga autoritetet ruse se 500 ushtarë rusë ishin vrarë. Numri i viktimave është i vështirë të përcaktohet në mënyrë të pavarur. /Demokracia.com/