Kryetari i Trepçës ’89 dhe analisti Faruk Statovci janë përplasur pas debatit televiziv rreth çështjes së licencimit të Federatës së Futbollit të Kosovës nga Ministria e Kulturës, Rinisë dhe Sportit, shkruan Demokracia.com.

Lajmin se ka pasur përplasje edhe pas emisionit e konfirmoi edhe moderatori i emisionit në Kanal10, Lorik Gashi.

Megjithatë, klubi i Trepçës ’89, president i të cilës është Abedin Zeka ka mohuar lajmet se ai dhe Statovci janë përleshur fizikisht.

“Të kallëzoj pas emisionit” – Si nisi përplasja mes Statovcit dhe Zekës që përfundoi me përleshje jashtë saj

“Minatorët” madje kanë paralajmëruar edhe “pasoja juridike” për mediat.

REAGIMI I PLOTË:

Klubi Futbollistik Trepça’89 njofton se pas emisionit sportiv Kampionet në Kanal10 ku ishte i pranishum Presidenti i Klubit tonë z. Abedin Zeka – Beki, pas një debatit dhe fjalosjes gjithqka mori fund aty.

Lajmet se Presidenti i Klubit tonë z. Abedin Zeka u përlesh janë të pavërteta.

Portaleve dhe Personat të cilët jepin DEZINFORMATA do të kenë pasoja juridike për shpifjet e tyre.

Zyra e informimit

26.12.2022./Demokracia.com/