Katër sulme të armatosura ndaj pjesëtarëve të Policisë së Kosovës  kanë ndodhur në veri të Kosovës.

E shqetësuar nga këto sulme  presidentja Vjosa Osmani është takuar me drejtuesit e strukturave të sigurisë në vend.

Burime të Demokracia.com në Presidencë kanë konfirmuar se Osmani ka takuar drejtuesit e institucioneve të sigurisë për të diskutuar për situatën e fundit në vend.

Në takim është folur për hapat që duhet të ndërmerren.

Në një konferencë të jashtëzakonshme për media, ministri i Brendshëm, Xhelal Sveçla dhe drejtori i Policisë së Kosovës, Samedin Mehmeti,  kanë njoftuar për katër sulme ndaj policisë për tri ditë rresht. Kundër policisë është shtënë me armë zjarri AK-47, granata dhe metoda të tjera për të penguar atë në përmbushjen e detyrës. Sulmet janë cilësuar si akte terroriste nga ministri i MPB-së, Xhelal Sveçla. / Demokracia.com/

LAJMI I FUNDIT| Sulmi i armatosur ndaj policëve në veri, nga KFOR-i flasin për Demokracia.com