Adelina Xhaferi, fansja e këngëtarit Yll Limani shkruan librin ‘Shpirti i Një Artisti’ që i dedikohet atij.
Yll Limani është një nga këngëtarët më të dashur të showbizit shqiptar, dhe së fundmi ai ka marrë një dhuratë shumë speciale, shkruan Demokracia.com.
“Shpirti i Një Artisti” titullohet libri të cilin e shkroi një fanse e Yllit.
Libri është dedikim për jetën e këngëtarit dhe Limani është tejet falenderues për këtë libër.
Ai ndau disa fotografi në Instastory ku falenderonte autoren për librin, ndërsa më vonë shkroi një falenderim për të gjithë fansat e tij.
“Nuk kam mjaftueshëm ‘faleminderit’ për të gjithë ju që më dhuroni dashuri dhe përkrahje çdo ditë. Kur e di që muzika ime ju inspiron dhe motivon është gëzimi më i madh i jetës time. Ju dua “, shkroi ai.
Rikujtojmë se kënga e fundit e Yll Limanit është ‘Ndoshta’ në bashkëpunim me Cricket. /Demokracia.com/