Shkencëtarët kanë testuar me sukses një ilaç të ri që mund të imitojë përfitimet e një stërvitje rigoroze.

Ekipi nga Universiteti i Floridës në SHBA testoi ilaçin tek minjtë obezë, duke arritur të rrisë metabolizmin e tyre dhe të rrisë shtimin e muskujve dhe humbjen e peshës.

Ushtrimi i rregullt mund të ketë një ndikim të madh pozitiv në shëndetin tuaj, me përfitime të vërtetuara për njerëzit me sëmundje kardiovaskulare, diabet dhe disa lloje kanceri.
Përveç kësaj, aktiviteti fizik ka qenë gjithashtu i lidhur me një gjendje më të mirë të trurit me rrezik më të ulët të stresit, depresionit ose demencës sipas Shërbimit Shëndetësor Kombëtar të Mbretërisë së Bashkuar (NHS).

Sa i përket asaj se sa duhet të ushtrohemi, Organizata Botërore e Shëndetësisë (OBSH) rekomandon nga 2.5 deri në 5 orë në javë aktivitet mesatarisht intensiv.

Fatkeqësisht, 25 për qind e të rriturve dhe 80 për qind e adoleshentëve nuk i përmbushin këto rekomandime.

Në mënyrë që të zëvendësojnë përfitimet e aktivitetit fizik, shkencëtarët kanë kërkuar për vite mënyra për të përsëritur qoftë edhe një pjesë të vogël të këtyre përfitimeve shëndetësore – dhe duket se ata mund të kenë pasur sukses.

“Ky përbërës në thelb u thotë muskujve skeletorë të bëjnë të njëjtat ndryshime që shihni gjatë stërvitjes së qëndrueshmërisë,” tha Burris , autori kryesor i studimit.