Shefja e departamentit për besim dhe siguri në Twitter, Ella Irwin, deklaroi për Reuters se ajo ka dhënë dorëheqje nga kompania e rrjeteve sociale, me platformën që është përballur me kritika për mbrojtje të dobët ndaj përmbajtjeve të dëmshme prej se miliarderi Elon Musk e bleu atë në tetor.
Irwin e cila iu bashkua Twitter-it në qershorin e 2022-shit, detyrën si shefe e ekipit të besimit dhe sigurisë e mori në muajin nëntor, periudhë kjo kur shefi i mëparshëm Yoel Roth kishte dhënë dorëheqje.
Ajo ishte mbikëqyrëse e moderimit të përmbajtjes.
Irwin nuk dha komente të mëtejme, teksa Musk akoma nuk ka dhënë asnjë koment në lidhje me rastin, raporton NY Post, përcjell Telegrafi.
Largimi i Irwin vjen pasi platforma ka pasur vështirësi për të mbajtur reklamuesit, me markat të cilat tregohen të kujdesshme për t’u shfaqur pranë përmbajtjeve të papërshtatshme.