Një regjistër për dëmet e shkaktuara nga Rusia në Ukrainë është krijuar nga Këshilli i Europës, në të cilën janë përfshirë gjithashtu edhe pasojat e humbjes ose lëndimit nga agresioni rus kundër Ukrainës.

Është një nga vendimet e para ligjërisht të detyrueshme në mënyrë që vendi të mbajë përgjegjësi për veprimet e tij.

Duke folur për Sky News nga një takim i anëtarëve të këshillit në Islandë, ambasadorja e SHBA në Kombet e Bashkuara Linda Thomas-Greenfield tha se ajo që po bën Moska ishte “e pandërgjegjshme” dhe vendi duhet të mbajë përgjegjësi.

Ndërsa ajo pranoi se Rusia nuk kishte gjasa ta njihte regjistrin, Thomas Greenfield tha se Perëndimi duhej të “fillonte procesin” e regjistrimit të veprimeve të tij, në mënyrë që të kishte prova për të ndjekur veprime ligjore në të ardhmen.

“Ne e dimë se Ukraina po bën një luftë për të gjithë ne, se kjo është për të shpëtuar botën,” tha ajo.

“Pra, ne duhet të mbështesim Ukrainën për aq kohë sa të jetë e nevojshme. Rusia nuk mund të lejohet të përfitojë nga ajo që ka qenë një luftë e paprovokuar”. /Abc news