Të paktën 24 persona kanë humbur jetën si pasojë e rrufeve, shiut dhe stuhive të fuqishme që goditën Indinë, kanë njoftuar autoritetet, raporton “BBC” të hënën.
Moti ka dëmtuar shtëpitë e po ashtu ka shkaktuar dëme të mëdha edhe në bujqësi, në shtetin perëndimor Gujarat.
Stuhitë janë të pazakonta në Gujarat gjatë dimrit, thonë meteorologët dhe ato e kanë zënë vendin në befasi.
Vërshimet dhe rrufetë vrasin mijëra qytetarë në Indi çdo vit.
Shkencëtarët kanë paralajmëruar se rritjet e temperaturave në nivel global po ndikojnë në mot ekstrem.
Edhe të hënën ka pasur reshje të shiut e stuhi në perëndim të Indisë.
Të paktën 18 nga 24 vdekjet raportohet të jenë shkaktuar nga rrufetë.
