Presidenti i Rusisë, Vladimir Putin, ka nënshkruar ligjin për procedurat e thirrjes elektronike të draftit që synojnë ta bëjnë mobilizimin ushtarak më efikas – dhe parandalimin e shmangies së pjesëmarrjes.

Deri më tani, rregullat e shërbimit ushtarak kërkonin dërgimin personalisht të njoftimeve për rekrutët dhe rezervistët, që do të thotë se njerëzit mund të shmangnin draftin duke qëndruar larg adresës së tyre në regjistrim, shkruan Skynews.

Legjislacioni u ndoq shpejt përmes parlamentit rus ndërsa Moska përgatitet për një kundërofensivë të pritshme ukrainase.

Zëdhënësi i Kremlinit Dmitry Peskov tha më parë se kjo do të ndihmonte në zgjidhjen e një “rrëmuje” që pasoi thirrjen e 300,000 rekrutëve vitin e kaluar, transmeton Klankosova.tv.

“Ata që nuk paraqiten pas njoftimit të tyre vendosen në një portal online. Atyre do t’u ndalohet të largohen nga Rusia, do t’u pezullohet patenta e shoferit dhe do të ndalohet të shesin pasuri si apartamente”.