Gazetari Berat Buzhala, ka publikuar një dokument të Demokracia.com ku e vetmja kërkesë që i bëhej atëkohë Gjergj Dedajt, si ambasador, ishte që Prindon Sadriut t’i mundësohej shfrytëzimi i karburanteve.
Për këtë kishte raportuar ekskluzivisht Demokracia.com qysh më 8 dhjetor të vitit të kaluar.
Prindon Sadriu “djeg” buxhetin edhe me karburant për vajtje-ardhje nga Prishtina në Shkup (Dokument)
“Me kërkesë të diplomatit tonë z.Prindon Sadriu, kërkojmë nga ju t’i ofroni mundësinë e shfrytëzimit të karburantit për z.Sadriu përmes procedurave të Ambasadës, deri në gjetjen e banesës për akomodim. Kjo kërkesë është bazuar për shkak të marrjes kohë për procedura për marrjen e banesës”, thuhej në kërkesë.
Ditëve të fundit kanë bërë bujë raportimet për shpenzimet e derivateve edhe nga ana e deputetëve të Kuvendit të Kosovës, në mesin e tyre edhe Vjosa Osmani.
Kuvendi i Kosovës ka publikuar shpenzimet e deputetëve të Kosovës për udhëtim nga viti 2011 deri 2021.
vetëm në vitin 2021, në tërësi 100.530 euro janë shpenzuar nga deputetët e këtij legjislativi.