Trafiku i drogës ka shënuar rritje gjatë 50 viteve të fundit dhe momentalisht gjeneron 1/5 e të gjitha të ardhurave nga krimi i organizuar në të gjithë botën.

Kjo tregti e paligjshme i ka ushtruar shumë presion institucioneve qeveritare dhe ka ndryshuar kuadrin e marrëdhënieve ekonomike duke prishur rutinën e rregullt të shoqërisë.

Ndërsa kompleksiteti teknik dhe organizativ i metodave të trafikut të drogës është duke evoluar vazhdimisht, gjëja e vetme që nuk ndryshon kurrë është rritja e përfitimit të këtij biznesi të paligjshëm.

Për shkak të paqëndrueshmërisë në rajonet fqinje të Europës, lufta në Ukrainë ka rritur edhe më shumë aktivitetet që lidhen me drogën.

Aktualisht sasia e drogës që hyn në kontinent ka rritur deri në pikën ku Europa do të bëhet një qendër kryesore për prodhimin dhe trafikimin e kokainës por edhe drograve të tjera.

Agjencitë e Bashkimit Europian po i kushtojnë vëmendje këtij problemi. Në një raport të publikuar në majin e vitit 2022, ato paralajmëruan se Europa po shndërrohen në një qendër kryesore për prodhimin dhe eksportimin e drogës, veçanërisht kokainës, në mbarë botën.

Sipas raportit të përbashkët të Europol dhe EMCDDA, prodhimi, furnizimi dhe eksporti i metamfetaminës në vendet e tjera është rritur ndjeshëm, dhe tregu i saj në Europë është bërë një kërcënim në rritje. Me miliona përdorues dhe me një vlerë tregu prej 11.1 miliardë dollarësh në vitin 2020, kokaina është aktualisht droga e dytë më e përdorur në Bashkimin Europian pas hashashit, raporton abcnews.al.

Sipas agjencive të Bashkimit Europian, problemi i kokainës në Europë po përkeqësohet, nga rritja e prodhimit në Amerikën e Jugut dhe rëndësia në rritje e Europës si një destinacion dhe rajon tranziti për kokainën që shkon në Lindjen e Mesme dhe Azi.

Më shumë se 214 ton kokainë u sekuestruan në Europë në vitin 2020, ku Belgjika, Holanda dhe Spanja përbëjnë rreth 75% të këtij totali.

Të dhënat e mbledhura nga agjencitë e BE-së tregojnë se këto 3 vende janë gjithashtu përgjegjëse për rritjen e përpunimit të kokainës në Europë.

Agjencitë europiane kanë zbuluar se disponueshmëria e metamfetaminës është rritur, dhe se përdorimi i saj po përhapet gradualisht në një numër vendesh europiane.

Laboratorët e metamfetaminës të zbuluara në Belgjikë dhe Holandë që nga viti 2019 janë të jashtëzakonshme për sa i përket vëllimit të prodhimit dhe kompleksitetit të shpërndarjes, sepse prodhuesit europianë të drogës sintetike bashkëpunuan me organizata kriminale meksikane për të krijuar metoda të reja prodhimi si dhe për të përfituar nga infrastruktura e rajonit.

Statistikat tregojnë se midis viteve 2010-2020, numri i konfiskimeve të metamfetaminës në BE u dyfishua, nga 3000 në 6200, ndërsa sasitë e kapura u rritën me 477%, pra 2.2 ton në vitin 2020.

Përveç qendrave të tjera të prodhimit si Nigeria dhe Meksika, Europa shërben si destinacion përfundimtar dhe si zonë tranziti përpara se të dërgohet në Azi dhe Paqësor.

Nga ana tjetër, është e rëndësishme të theksohet se industria në rritje e metamfetaminës në Afganistan paraqet një rrezik të ri për Europën.

Sipas Catherine de Boule, drejtoreshë ekzekutive e Europolit, trafiku i drogës përbën pjesën më të madhe të krimit të rëndë dhe të organizuar në Bashkimin Europian, dhe gati 40% e rrjeteve kriminale ndërkombëtare aktive të raportuara në Europol janë të përfshira në trafikun e drogës.

Drejtori i Qendrës Europiane të Monitorimit të Drogave dhe Varësisë nga Drogat (EMCDDA), Alexis Goosdeel, ka pohuar se Europa ka përjetuar nivele të paprecedenta të qasjes ndaj drogës, e cila nga ana tjetër ka rritur nivelin e dhunës, korrupsionit dhe përkeqësimin e çështjeve shëndetësore, raporton abcnews.a.

Mungesa e veprimit të koordinuar brenda Europës dhe mungesa e bashkëpunimit me vendet që prodhojnë drogë apo janë në rrugë tranziti për trafikun e drogës, janë kështu shkaku kryesor i këtij problemi në Evropë.

Por sipas Claire George, zëvendës/zëdhënëse e Europol, rreth 300 ton kokainë u kapën në Europë vetëm në vitin 2021, dhe kjo përfaqëson një pjesë shumë të vogël të drogës që vjen në kontinent.

Zyrtarët dhe ekspertët mbi trafikun e drogës, janë të bindur se vetëm 10- 15 për qind, apo edhe më pak se 1% e asaj që po hyn aktualisht në tregun europian është për shkak të teknikave më të sofistikuara të trafikut të drogës, si injektimi i kokainës tek patatet, qymyri i drurit apo veshjet e ndryshme.

Ndërkohë, për shkak se kokaina mund të shitet me 2-fishin e çmimit të shitjes me shumicë në Shtetet e Bashkuara vitet e fundit, kontrabandistët kanë synuar gjithnjë e më shumë ta rrisin bazën e tyre të klientëve në tregjet europiane në lulëzim.

Prania e tregjeve të konsumit në Europë dhe e qendrave të prodhimit në Amerikën e Jugut, e bëjnë të thjeshtë identifikimin e rrugëve të trafikut të kokainës, e cila aktualisht shihet si një kërcënim madhor për Europën. Gjatë 20 viteve të fundit, tregu i kokainës është zhvendosur nga Europa Jugore në atë Veriore.

Autoritetet europiane e dinë se lufta ndaj trafikut të drogës është gjithnjë e më sfiduese, sepse bandat kriminale po i përshtaten me shpejtësi masave të reja dhe po ndryshojnë vazhdimisht rrugët e dërgesës, deri në pikën që aktualisht në vëmendje të tyre janë portet më të vogla europiane.

Elementët e lartpërmendur, veçmas dhe kolektivisht, paraqesin vështirësi të konsiderueshme për Interpolin dhe Qendrën Europiane të Monitorimit për Drogën dhe Varësinë nga Drogat, dy nga organizatat partnere të Europolit.

Në fakt, në Europë është zhvilluar një garë e gjatë midis trafikantëve të drogës dhe forcave të rendit mbi teknikat e trafikimit. Trafikantët përballen me dy zgjedhje: ose duhet të gjejnë rrugë të reja ose të zhvillojnë teknika të reja që i bëjnë më të sofistikuara metodat e tyre, raporton abcnews.al.

Ndërkohë forcat e rendit duhet të zhvillojnë strategji të reja ose të rritin kapacitetin e tyre për zbulim ose parandalim. Rritja e dhunës në Europë, e cila vjen kryesisht nga rritja e konkurrencës, sidomos në industrinë e trafikut të drogës, përkon me metodat e trafikimit që po bëhen gjithnjë e më komplekse.

E gjitha kjo po ndodh në një kohë kur vëmendja dhe burimet e Europës janë përqendruar kryesisht në adresimin e kërcënimit të sigurisë që paraqet Rusia, gjë që e ka zbehur aftësinë e Europës për të luftuar krimin e organizuar, përfshirë trafikun e drogës, njerëzve dhe armëve.

Ky problem bëhet më urgjent nëse kemi parasysh faktin se vitet e fundit, Ukraina ka qenë vazhdimisht një nga vendet kryesore që përjetoi një rritje të aktivitetit të organizatave kriminale ndërkombëtare, dhe se shpërthimi i luftës në këtë vend u jep atyre akoma më shumë mundësi.

/abcnews.al