Lëvizja për Bashkim (LB), të dielën ka njoftuar se do ta mbështesin protestën e veteranëve të Ushtrisë Çlirimtare të Kosovës e cila është thirrur për 6 qershor para objektit të Kuvendit të Kosovës.

Protesta do të nis në ora 10:00 dhe për qëllim ka siç thonë organizatorët; kundërshtimin e diskriminimit të veteranëve, invalidëve dhe familjeve të dëshmorëve.

Saktësisht, ndryshimi i projektligjit për pagën minimale – ku veteranët s’do të përfshihen në këtë rritje. Kjo nga ta po cilësohet diskriminim.

“Me projektligjin e Qeverisë së Kosovës, i cili do të shqyrtohet të hënën në Kuvendin e Kosovës, parashihet që të rrëzohet ligji aktual që e lidh pensionin e veteranit me pagën minimale, (edhe ashtu ka qenë pension shumë i vogël, 170 euro), pra të mos ketë rritje për këtë kategori ashtu siç parasheh projektligji për pagën minimale”, thuhet në deklaratë.

LB pos veteranëve në protestë ka ftuar edhe qytetarët.