Të dielën është arrestuar Ilir Avdullahu i njohur me nofkën “Liza”, ai me vendim të prokurorit të rastit është dërguar në ndalim për 48 orë.
Demokracia.com ka raportuar eksluzivisht mbrëmë për arrestimin e tij.
Lexo edhe:
Rastin e ka bërë të ditur edhe Policia e Kosovës në një njoftim në raportin 24-orësh.
Sipas njoftimit të policisë, prokurori i Prokurorisë Themelore në Prishtinë ka nxjerrë aktvendim për ndalimin e Abdullahut, të arrestuar të dielën në fshatin Batllavë, të Komunës së Podujevës.
Ilir Abdullahu u arrestua nga Policia e Kosovës pas 16 vjetësh në arrati. Ndaj tij ndodhej në fuqi një urdhër-arrest i lëshuar nga gjykata.
“Në bazë të urdhër arrestit të lëshuar nga gjykata është arrestuar i kërkuari mashkull kosovar dhe me vendim të prokurorit është dërguar në mbajtje”, tha sot Policia e Kosovës në raportin e përditshëm 24-orësh të saj.
I njohur me nofkën “Liza”, ai ka qenë i kërkuar nga Interpoli nën akuzën se ka organizuar vrasjen e policit, Triumf Riza, bashkë me Enver Sekiraqën.
Ai akuzohet se si grup i organizuar nga Enver Sekiraqa së bashku me Arben Berishën, Fitim Avdiun dhe Rrahim Abdullahun, kanë vrarë Triumf Rizën.
Triumf Riza u vra më 30 gusht të vitit 2007, vrasje për të cilën Arben Berisha është dënuar me 35 vjet burg. Ndërkaq, Enver Sekiraqa akuzohet se kishte nxitur vrasjen e Triumf Rizës. Për këtë akuzë, Sekiraqa ishte dënuar me 37 vjet burgim mirëpo rasti është kthyer në rigjykim.
