Banorët e lagjes “Muharrem Fejza” në Kryeqytet janë ankuar se dy vitet e fundit nuk i është dërguar asnjë faturë për bërllok.

Disa nga ata kanë pasur probleme pasi që nuk kanë pasur as informacion se ku duhet kryer pagesat.

Kompania e Pastrimit i ka njoftuar banorët se të gjithë ata që nuk e kanë paguar borxhin do të dërgohen tek përmbaruesi, dhe se nuk është në përgjegjësinë e tyre për faturim të klientëve.

Madje kompania tha se të gjithë qytetarët mund t’i shohin e shtypin faturat e tyre përmes portalit “Prishtina Online”.