Presidenti ukrainas Volodymyr Zelensky u kërkoi udhëheqësve perëndimorë të mbledhur në një konferencë të sigurisë në Mynih të shtunën e djeshme se ai dëshiron që të vendosen sanksione kundër Rusisë përpara çdo pushtimi të mundshëm të vendit të tij, jo më pas.

“Ju po më thoni se është 100% e mundur që lufta të fillojë pas disa ditësh. Atëherë çfarë jeni duke pritur? Nuk kemi nevojë për sanksionet tuaja pasi bombardimet të kenë ndodhur pasi vendi ynë të pushkatohet i tëri, pasi nuk do të kemi kufij ose pasi nuk do të kemi ekonomi. Pse do të na duheshin atëherë ato sanksione? Pra, kur pyet se çfarë mund të bëhet, shumë gjëra të ndryshme mund të bëhen. Ne madje mund t’ju ofrojmë listën. Mbi të gjitha është vullneti”, tha ai, përcjell tiranapost.al.

Një pushtim i mundshëm rus i Ukrainës është tema kryesore në Konferencën e Sigurisë së Mynihut, e cila është një ngjarje vjetore për të parandaluar një luftë tjetër në Evropë.