Aktori Enver Petrovci, i cili dikur kishte shfaqur simpatinë e tij edhe ndaj kasapit të Ballkanit, Sllobodan Millosheviqit, në emisionin “Show i së Premtës me Adelina Ismajlin” ka përdorur gjuhë përçmuese ndaj ish-udhëheqësve të UÇK-së, teksa thuri lëvdata për kryeministrin Albin Kurti dhe presidenten Vjosa Osmani.
Para pak vitesh, aktori Enver Petrovci kishte dhënë një intervistë të gjatë për mediumin serb Avala, ku kishte treguar sesi njerëzit në Beograd e kanë dashur dhe përkëdhelur.
“Gjuha ime profesionale u bë serbishtja”, fillimisht i tregon aktori Enver Petrovci, gazetares serbe Nada Keleri, shkruan Demokracia.com.
Duke treguar për punën dhe aktivitetin e tij në Beograd, ai ka treguar sesi ish-presidenti serb Boris Tadiq ia kishte ofruar të gjithë mundësitë për ushtrimin e profesionit të tij në Beograd dhe i kishte thënë se Beogradi është vendi juaj.
“Çfarë dreqin do të bëni, publiku ju do dhe ky është vendi juaj”, i kishte thënë Tadiq – Petrovcit dhe për këtë ky i fundit e kishte falënderuar një milion herë dhe kishte dhënë detaje nga biseda me të.
“E falënderoj atë një milion herë për këtë. U largova, sepse kisha shumë punë për të bërë në Prishtinë. Po bëja teatër në atë moment dhe nuk mund ta lija. Pas telefonatës sime, ai (Boris Tadiq) thirri menjëherë drejtorin e Teatrit Kombëtar dhe i tha plotësojini zotërisë të gjitha dëshirat! Ai tha që të vini nesër për të bërë një marrëveshje. Por, unë u largova atë mbrëmje. Sepse, po të kisha shkuar të nesërmen për termin, do të kisha qëndruar në Beograd. Në çdo rast e falënderoj. Ajo thirrje e tij do të mbetet në historinë e biografisë sime”, tregon Petrovci në këtë intervistë.
Tutje, ai kishte folur edhe për madhështinë e kryeqytetit të Serbisë, Beogradit.
“Por, a është kjo arsyeja pse keni bërë një karrierë të madhe në Beograd”, e kishte pyetur gazetarja serbe, Petrovcin.
“Është e vërtetë. Ishte ajo që ndodhi. Më pëlqeu popullariteti. Në çdo hap, njerëzit më përkëdhelin, më duan… Çfarë do të hidhja për hir të Amerikës. Dhe, po, kështu më thotë Mira, atje do të jesh gjithmonë mysafire! Por, kur ndodhi popullariteti, më pëlqeu”, ishte përgjigjur Petrovci.
Ai kishte vazhduar duke e krahasuar Beogradin me Nju Jorkun.
“Beogradi ishte një qytet ndërkombëtar, siç është sot Nju Jorku. Beogradi nuk ishte qytet i vëllazërisë dhe bashkimit, ishte një qytet ndërkombëtar. Qyteti i vëllazërisë dhe bashkimit ishte Sarajeva, Jugosllavia e vogël. Beogradi shkoi përtej unitetit vëllazëror, ishte një qytet ndërkombëtar”, kishte deklaruar Petrovci.
“Më besoni, asnjë profesor nuk më ka dhënë notë më të ulët se jam shqiptar. Vetëm nëse më jepte, më jepte një më të madhe”, kishte thënë Petrovci, duke treguar për afërsinë dhe dashamirësinë e profesorëve serbë ndaj tij. /Demokracia.com/
