Dega e Partisë Demokratike të Kosovës në Zvicër ka mbajtur një takim me strukturat e saj në Basel të Zvicrës.
Në këtë takim kanë marrë pjesë edhe zyrtarët e PDK-së nga qendra, si Sami Lushtaku, Adem Grabovci dhe deputetja Ganimete Musliu.
Kryetari i PDK-së në Zvicër, Ragip Xhaka, ka thënë se dega që ai e udhëheq po konsolidohet gjithnjë e më shumë.
Xhaka ka ftuar shqiptarët që jetojnë në Zvicër t’i bashkohen këtij subjekti, sepse thotë se është adresa më e duhur.
Ndërsa, deputetja e PDK-së, Ganimete Musliu, ka thënë se mërgata po e vlerëson lart kontributin e Partisë Demokratike në ndërtimin e shtetit të Kosovës dhe kontributin e themeluesve të saj për çlirim dhe pavarësi.