Njësitet e Doganës së Kosovës në Vërmicë kanë ndaluar për kontroll një autobus që operonte në linjën Tiranë – Prishtinë, ku u zbulua sasi e konsiderueshme të mallit të padeklaruar.

Gjatë kontrollimit të autobusit, është identifikuar sasi e konsiderueshme e auto-pjesëve dhe instrumenteve tabelorë, me një vlerë të përgjithshme prej 6,000 euro.

“Të gjitha këto mallra ishin të padokumentuara dhe të padeklaruara në momentin e hyrjes në territorin e Kosovës. Mallrat e padeklaruar dhe padokumentacion janë sekuestruar menjëherë. Njëkohësisht, janë nisur procedurat kundërvajtëse kundër subjektit”.

“Njësit e Doganës vazhdojnë të angazhohen në mbrojtjen e kufijve të Republikës së Kosovës dhe luftën kundër veprimeve të paligjshme të transportit të mallrave dhe produkteve të padeklaruara”, thuhet në njoftim.