Edhe pse akoma zyrtarisht nuk dihet se çfarë në të vërtetë ndodhi, duket se aeroplani komercial me 379 pasagjerë i përfshirë nga zjarri në aeroportin e Tokios është përplasur me një aeroplan të Rojeve Bregdetare, që po bëhej gati të dërgonte ndihma në zonat e prekura nga tërmeti shkatërrues.

Aeroplani komercial i Japan Airlines u përfshi nga zjarri derisa po ateronte në aeroport, kurse pasagjerët dhe ekuipazhi kanë arritur të evakuohen me kohë, para se fluturakja të digjej e tëra.

E në aeroplanin e Rojeve Bregdetare brenda të cilit gjendeshin gjashtë persona, pesë prej tyre kanë humbur jetën. Mediat japoneze raportojnë se vetëm piloti i ka shpëtuar vdekjes.