Nokia po riprodhon një nga telefonat e saj celularë klasikë, 6310 ‘tulla’ për të shënuar 20 vjet që kur u lëshua për herë të parë në Mbretërinë e Bashkuar.
HMD Global, krijuesit e telefonave Nokia, thanë se pajisja do të ketë siluetën origjinale dhe ikonike të klasikes 6310 me jetëgjatësinë e baterisë.
Telefoni do të vijë me një kopje të lojës klasike të viteve ’90-ta Snake, dhe një faktor të fortë të formës që i dha pseudonimin “tulla” kur doli për herë të parë në 2001, raporton Dailymail përcjellë Demokracia.
Do të ketë ndryshime delikate për të shënuar kalimin e 20 viteve të evolucionit teknologjik. Celulari i ri është ‘rifreskuar dhe ri -shpikur’, që të përputhet me nevojat moderne.
Kjo përfshin një ekran më të madh dhe butona, duke e bërë më të lehtë leximin e mesazheve dhe lidhjen me të dashurit tuaj, thotë Nokia, përcjellë Demokracia.
Ajo vjen me një ekran më të madh 2.8 inç 320×240 pikselë, krahasuar me ekranin 1.8 inç 120×160 piksel të gjetur në origjinal dhe është në shitje për 59.99$.
Nokia thotë se versioni i ri i pajisjes së tij ikonike, ishte i dashur për adoleshentët kur u lëshua. Për shkak të besueshmërinë, jetën e gjatë të baterisë dhe formën e fortë, do të përfshijë gjithashtu një radio FM pa tel.
Nokia 6310 u lansua për herë të parë në 2001, u përditësua në 6310i në 2002 dhe përfundimisht u ndërpre në 2005./Demokracia.com/