Ndërsa qindra udhëtarë u evakuuan kur një tren që u përfshi nga flakët derisa po kalonte një urë, një pasagjer në panik shkoi aq larg sa u hodh nga dritarja në një lumë.

Sipas mediave të huaja, përcjell Telegrafi, bëhet fjalë për një ngjarje të ndodhur në Massachusetts, ku zjarri filloi rreth orës 6:45 të mëngjesit teksa treni kaloi urën mbi ”Mystic River”.

Si pasojë, shumica e 200 pasagjerëve u evakuuan nga treni.

Por disa pasagjerë u detyruan të hiqnin xhamat për të shpëtuar nga vagonët e mbushur me tym më afër zjarrit.

“Ishte një zotëri që përpiqej furishëm të hapte daljen e emergjencës. Por dera nuk hapej”, tha Jennifer Thomson-Sullivan për Boston Globe. “Që nga ai moment, njerëzit filluan të hidheshin nga dritarja”.

https://twitter.com/Karynregal/status/1550097673637793792

Poftak tregoi se katër xhama në total u thyen nga udhëtarët në panik.

Ndërkohë një pasagjer u hodh në lumë – një grua e paidentifikuar që refuzoi ndihmën e reaguesve të parë.

“Një pasagjere femër e paidentifikuar u hodh nga ura në lumë”, tha shefi i zjarrfikësve të Somerville, Charles Breen për Boston Globe.

“Anija jonë detare ndodhi në lumë për stërvitje dhe doli menjëherë në vendngjarje. Gruaja nuk pranoi të hipte në varkë. Asaj iu dha një jelek shpëtimi dhe vazhdoi të notonte deri në breg… më pas ajo u largua”.

Ndërkohë guvernatori i Massachusetts, Charlie Baker e quajti incidentin një “dështim kolosal”.

https://twitter.com/valrugs/status/1550125823901847561