Një gazetar kolumbian që hetonte korrupsionin u vra gjatë fundjavës në një qytet afër kufirit me Venezuelën, thanë zyrtarët të hënën.
Sipas mediave të huaja, përcjell Telegrafi, gazetari, 54-vjeçari Jaime Vasquez, u qëllua në Cucuta përpara rreth dhjetëra dëshmitarëve.
Ndërkohë në mediat sociale janë publikuar disa pamje të cilat thuhet se tregojnë momentin e sulmit ndaj tij.
Prokurorët thonë se personi i armatosur u largua me një motoçikletë.
Presidenti Gustavo Petro tha në X se kishte urdhëruar një hetim për vrasjen e Vasquez, i cili kishte publikuar akuza për kontrata të parregullta dhe abuzime me pushtetin në administratën e qytetit dhe kishte marrë kërcënime si rezultat i punës së tij, sipas një miku të tij.
Fondacioni i Lirisë së Shtypit i Kolumbisë (FLIP) dënoi vrasjen dhe bëri thirrje për një hetim “të shpejtë dhe shterues”.
Që nga viti 2006, 167 gazetarë janë vrarë në Kolumbi, sipas FLIP. Vitin e kaluar, 163 gazetarë morën kërcënime.