Forcat e sigurisë në Sri Lanka kanë bastisur kampin kryesor të protestës antiqeveritare në kryeqytet, në mëngjesin e hershëm të kësaj të premte, duke arrestuar protestuesit dhe duke çmontuar tendat e ngritura jashtë zyrave presidenciale në Colombo.
Qindra trupa dhe komando policie u vendosën para protestuesve, disa orë përpara se ata të largoheshin nga zona.
BBC raporton se një gazetar i tyre është rrahur nga ushtria dhe se një ushtar i rrëmbeu telefonin dhe i fshiu videot, raporton Gazeta Express.
Nëntë persona, mes të cilëve dy të plagosur, janë arrestuar nga policia.
Këto tensione vijnë pasi Ranil Wickremesinghe u betua si president të enjten, pasi ish-presidenti Gotabaya Rajapaksa u largua nga vendi javën e kaluar.
Wickremesinghe – ish-kryeministri – shihet si thellësisht jopopullor me publikun dhe është zotuar për veprime të ashpra kundër demonstruesve.
BBC journalist among those who attacked by security forces in Galle Face protest site
? BBC Tamil Live pic.twitter.com/9xhpB7GhEM
— NewsWire ?? (@NewsWireLK) July 21, 2022