Pothuajse një e treta (29%) e prindërve pranojnë se do të ndiheshin në siklet nëse fëmija i tyre dëshironte këshillim psikologjik dhe 34% ndjehen se prindërit e tjerë do t’i gjykonin ata, sipas studimit të ri të botuar nga Place2Be që përkon me Javën e Shëndetit Mendor të Fëmijëve.

Gjetjet e sondazhit të 1029 prindërve të fëmijëve të moshës 5 – 18 vjeç tregojnë se pavarësisht ndërgjegjësimit më të madh dhe fushatave të suksesshme anti-stigmatike gjatë gjashtë viteve të fundit, ka ende punë për të bërë, transmeton Demokracia.com

Qëndrimet midis prindërve mbeten kryesisht të pandryshuara që nga Java e parë e Shëndetit Mendor të Fëmijëve në 2015, kur 30% e prindërve raportuan se do të ishin në siklet nëse fëmija i tyre dëshironte këshillim.

Në sondazhin e fundit, baballarët kishin më shumë gjasa të ndiheshin të pakëndshëm (37% thanë se do të ndiheshin në siklet, krahasuar me 22% e nënave), gjë që gjithashtu reflekton rezultate shumë të ngjashme në 2015 (38% vs 23%)

Pandemia ka bërë padyshim të vetën. Pothuajse një në gjashtë (15%) prindër vlerësuan shëndetin mendor të fëmijës së tyre si ‘të dobët’ ose ‘shumë të dobët’, dhe 31% thanë se është ‘më e keqe’ ose ‘shumë më e keqe’ sesa para pandemisë.

Pavarësisht nga stigmatizmi, gjysma (50%) e prindërve thanë se pandemia i ka bërë ata më shumë të inkurajojnë fëmijën e tyre që të ketë këshillim nëse ata kanë nevojë për të./Demokracia.com