Këshilli i qytetit të Mariupolit thotë se një armëpushim është shpallur në qytet nga ora 10 e mëngjesit me kohën lokale. Kjo do të thotë se duhet të jetë tashmë në vend pasi ora është 11 e mëngjesit në Ukrainë, por është e paqartë nëse luftimet kanë ndalur.
Civilët do të jenë në gjendje të evakuojnë Mariupolin me autobusë që nisen nga tre zona në qytet duke përdorur një rrugë që përfundon në Zaporizhzhia, thonë zyrtarët, raporton BBC, transmeton Demokracia.com.
Edhe automjetet private mund t’i bashkohen evakuimit, por u kërkohet të lëvizin pas autobusëve, në një kolonë të udhëhequr nga Kryqi i Kuq.
Drejtuesit duhet të mbushin të gjitha vendet në makinat e tyre, thotë këshilli bashkiak.
Lajmi për armëpushimin është pozitiv, por duhet trajtuar me kujdes.
Një plan i ngjashëm u njoftua të shtunën për qytetet Mariupol dhe Volnovakha, por ai u shpërbë shpejt dhe evakuimi masiv u shty.
Zyrtarët ukrainas thanë se forcat ruse kryen qindra sulme me raketa dhe artileri në të gjithë vendin, duke përfshirë hedhjen e bombave të fuqishme në zonat e banuara në veri të Kievit, dhe u raportuan dhjetëra civilë të vrarë.
Qytetarët u përpoqën të largoheshin nga qytetet Buça dhe Irpin, derisa po goditeshin nga sulmet ajrore./Demokracia.com/
