Hamasi ka raportuar lirimin e një shtetasi rus i cili ishte duke u mbajtur peng, shkruan Reuters.
“Në përgjigje të përpjekjeve të presidentit rus, Vladimir Putin dhe në vlerësimin e pozicionit rus në mbështetje të kauzës palestineze, Hamasi liroi një të burgosur që mban nënshtetësi ruse”, thuhet në arsyetimin e lirimit të tyre.
Deri tash, Hamasi ka liruar 14 shtetas tajlandezë, një nga Filipinet dhe 26 izraelitë, në mesin e tyre gra dhe fëmijë.
Gjithashtu 78 të burgosur palestinezë janë liruar nga burgjet e izraelit.
Pritet lirimi edhe i më shumë pengjeve izraelite të dielën, por koha e lirimit të tyre nuk është bërë e ditur.