Dita e Shën Valentinit është dita kur shitësit e luleve përfitojnë më së shumti, por këtë vit është ndryshe si pasojë e pandemisë Covid-19.

“Disa dërgojnë karta me shkrimin ‘Të dua’ e disa të tjerë vendosin ‘Të kam dashur’në kartat e tyre ”, tha një luleshitëse në Florida e cila po përgatit buçetat me lule për festën e Shën Valentinit, duke mos i lënë anash edhe porositë që bëhen nga ata që kanë humbur të dashurit e tyre nga koronavirusi.

Shitësi i luleve në Los Angeles, Fernando Perata ka ndihmuar mbi 100 familje në dy muajt e fundit që kanë humbur një anëtar të familjes për shkak të koronavirusit. Shumë nga familjet e pikëlluara ishin klientë prej kohësh.

“Një ditë e shihni atë klient, ditën tjetër, ata nuk janë më” tha Perata, 23. Ai përshkroi një nënë e cila për vite me radhë kishte blerë lule për fëmijët e saj. Para pak kohësh djali dhe vajza e saj shkuan të blinin trëndafila për varrimin e nënës së tyre.

Mark Chatoff, CEO i California Flower Mall, një nga tregjet më të mëdha të vendit, në qendër të Los Anxhelosit, tha se kur Kalifornia vendosi bllokimin e saj të parë në mars, disa luleshitës u mbyllën sepse dasmat, diplomimet, konventat dhe ngjarje të tjera të mëdha u zhdukën pothuajse brenda natës. Pastaj erdhën funeralet pandemike.

Këtë muaj, Chatoff tha, “është edhe Dita e Shën Valentinit edhe funeralet. Ne kemi qenë të zënë për shkak të funeraleve. Ne jemi të zënë për arsye të gabuara. ”

Maria Alvarez, 25, një shitëse lulesh në Los Angeles, tha se menaxherët e saj në David’s Flowers ishin detyruar të largonin familjet që kërkonin lule për funerale për shkak të kërkesës së Ditës së Shën Valentinit.

“Është e trishtueshme. Po na thyen zemrën. Është vërtet e vështirë t’i thuash një familjeje se nuk mund të bëjmë lule për varrimin e tyre, “tha Alvarez. “Ne i njohim shumë prej tyre. Ata dërgojnë familjarët e tyre në spital, disa ditë më vonë ata kanë ndërrojnë jetë. Ata na tregojnë historitë e tyre. Ata janë me zemër të thyer ”.

Alvarez tha gjithashtu se ka qenë e vështirë t’u thuash njerëzve të pikëlluar se sa kushtojnë lulet e varrimit. Për shkak të një krize furnizimi dhe kërkesës së madhe, çmimet për kurorat funerale kanë shkuar nga 85 në 120 dollarë në vetëm disa javë.

“Shumë nga këto familje,janë të papunë. Këto janë shumë para për ta. Ne duam t’i ndihmojmë dhe t’u japim çmimin origjinal, por nuk mundemi. Lule janë shumë të shtrenjta tani ”.

Industria e luleve prej 35 miliardë dollarësh është ndoshta më e përfshirë në gëzimin dhe pikëllimet familjare se çdo tjetër. Shitësit e luleve po i afrohen ditës së Shën Valentinit më 14 shkurt me numrin e të vdekurve në SHBA nga COVID-19 afër 460 mijë. Në shumë shtete, nivelet e vdekjeve janë akoma në nivelet më të larta ditore. /Demokracia.com/