Miranda Kerr është bërë nënë për të katërtën herë. Përmes një postimi në Snapchat, Miranda ndau lajmin e bukur dhe u shpreh e emocionuar për lindjen e djalit, duke treguar edhe emrin e vogëlushit, i cili quhet Pierre.

“Jemi të tejmbushur me gëzim nga lindja e rrezes sonë të diellit, Pierre Kerr Spiegel”, duke shtuar se ndihet shumë e bekuar.

Modelja publikoi një foto me lule portokalli dhe të verdha, si dhe një palë çorape bebi dhe një batanije me emrin e të porsalindurit.

Kerr, 40 vjeç dhe bashkëthemeluesi i Snapchat, Evan Spiegel, janë prindër të 2 fëmijëve të tjerë, Hart, 5 vjeç dhe Myles, 4 vjeç. Miranda është edhe nëna e Flynn, për të cilin bashkëprindëron me Orlando Bloom.