Ministrja e Jashtme gjermane Annalena Baerbock do të udhëtojë në Izrael të martën për parandalimin e një përshkallëzimi të tensioneve në rajon.

“Është tepër e rëndësishme për ne si qeveri federale gjermane në këto kohë të brishta që të gjithë të punojmë së bashku për të kontribuar në de-përshkallëzimin për të gjithë rajonin”, tha ajo në një konferencë shtypi me homologun e saj jordanez, Ayman Safadi.

Nga ana e tij, Safadi tha se komuniteti ndërkombëtar nuk duhet të lejojë që Benjamin Netanyahu të lërë që konfrontimi me Iranin të tërheqë vëmendjen nga situata në Gaza, ku Izraeli po kryen një operacion ushtarak për gjashtë muaj dhe autoritetet shëndetësore kanë raportuar për rreth 34 mijë palestinezë të vrarë.