Miliarderët rusë Mikhail Fridman dhe Pyotr Aven ka kundërshtuar sanksionet e vendosura nga BE-ja duke pretenduar se nuk kanë lidhje të ngushta me Presidentin rus, Vladimir Putin.

BE-ja sanksionoi të hënën Fridman dhe Aven, së bashku me dhjetëra rusë të tjerë të shquar, raportoi PA Media.

Bashkimi Evropian deklaroi se Aven është një nga oligarkët më të afërt të Vladimir Putinit dhe se Fridman ishte një financier i lartë rus si mundësues i rrethit të brendshëm të Putinit.

“Fridman dhe Aven do të kundërshtojnë bazën e rreme dhe të pabazë për vendosjen e këtyre sanksioneve – fuqishëm dhe me të gjitha mjetet në dispozicion të tyre për të rikthyer dëmet e pajustifikuara dhe të panevojshme në jetesën dhe prosperitetin e shumë punonjësve, klientëve, partnerëve dhe palëve të tyre të interesit dhe bizneset që ata dhe partnerët e tyre kanë ndërtuar gjatë 25 viteve të fundit”, kanë thënë përfaqësuesit e biznesmenëve.

Aven tha se ishte gabim nga BE të thoshte se ai ishte një “mik veçanërisht i ngushtë personal” i CEO të Rosneft, Igor Sechin, ndërsa Fridman tha se ishte e pavërtetë se ai kishte “krijuar lidhje të forta” me administratën e Vladimir Putin ./tiranapost.al/