Listat e shkurtuara për futbollisten më të mirë dhe trajneren më të mirë te femrat do të shpallen javën e ardhshme, saktësisht pas Kampionatit Botëror që po mbahet në Australi dhe Zelandë të re, njoftoi UEFA. Përfaqësuesja e Anglisë do të përballet me Spanjën në ndeshjen finale, e cila do të luhet të dielën në Sydney të Australisë.

Kylian Mbappe, ish-shoku i skuadrës së Messit te skuadra e Paris Saint-Germainit, ishte i gjashti në votimin e lojtarëve nga trajnerët dhe gazetarët evropianë, pavarësisht se shënoi tetë gola në Kupën e Botës, përfshirë tre kundër Argjentinës në ndeshjen finale. Të renditur mbi francezin Mbappe ishin mesfushorët e Manchester Cityt, İlkay Guendogan dhe Rodri, goli i të cilit vulosi fituesin në finalen e Ligës së Kampionëve. Në fakt, Guendogan në edicionin e ri është pjesë e Barcelonës pasi u largua nga City si lojtar i lirë. I vetmi lojtar i Interit që mori vota ishte mesfushori Marcelo Brozoviq, i cili u rendit në pozitën e tetë. Mesfushori kroat muaj më parë u zhvendos në Arabinë Saudite dhe tani është pjesë e ekipit Al-Nassr. Cristiano Ronaldo dhe Neymari, të tjerët që janë transferuar në Arabinë Saudite, nuk morën vota nga paneli i UEFA-s, i cili përfshinte trajnerë nga klubet që luajtën në fazat e grupeve të të tri garave evropiane – Liga e Kampionëve, Liga e Evropës dhe Liga e Konferencës. Trajneri Roberto De Zerbi ishte i katërti në votat e trajnerëve, pavarësisht se ekipi i tij Brightoni nuk u paraqit në asnjë garë të UEFA-s edicionin e shkuar. Brightoni do të debutojë muajin e ardhshëm në fazën e grupeve të Ligës së Evropës, pasi ka përfunduar në vendin e gjashtë në Premier League. Franck Haise, i cili udhëhoqi Lensin në vendin e dytë në ligën franceze, dhe David Moyes i kampionit të Konferencës së Ligës së Evropës, West Ham, ishin në mesin e 10-të trajnerëve që morën disa vota.