Presidenti amerikan Joe Biden thotë se do të udhëtojë në Havai “sa më shpejt të jetë e mundur”, pas kritikave për reagimin e tij ndaj zjarreve vdekjeprurëse në pyje në ishull, numri i viktimave të të cilave ka kaluar 100, shkruan sot BBC.

Duke folur në Milwaukee dje, Biden tha se dëshiron të sigurohet që njerëzit në shtet të kenë “gjithçka që u nevojitet”, transmeton Telegrafi.

Numri i të vdekurve nga zjarret tani është 101, ndërsa rreth 1300 persona janë të zhdukur. Banorët e Havait u ankuan për shpejtësinë e reagimit të qeverisë federale ndaj katastrofës.

Presidenti tha dje se ai nuk e ka vizituar ende Havain nga shqetësimi se do të largonte burimet dhe vëmendjen nga reagimi humanitar. Jill Biden do ta shoqërojë atë në Havai, shtoi ai.

“Nuk të pengojë. Kam qenë në shumë zona të fatkeqësive. Dua të sigurohem që të mos ndërpresim përpjekjet e vazhdueshme të rimëkëmbjes”, tha Biden.

Më shumë se 500 personel federal të urgjencës janë dërguar deri më tani për të ndihmuar, duke përfshirë 150 specialistë të kërkimit dhe shpëtimit.

Ka kritika se sirenat nuk kanë rënë në fillim të zjarrit, dhe ka ankesa se mund të jetë urdhëruar shumë vonë evakuimi.