Situata stresuese, mbingarkesë, mungesë gjumi, probleme shëndetësore – të gjiha këtë mund të bëjnë që lëkura e fytyrës tonë të duket dhe të ndjehet e lodhur.

Po ju prezantojmë një përzgjedhje të katërrecetave efektive të maskave të fytyrës që do t’I japin jetë lëkurës tuaj dhe do t’ju bëjnë të ndiheni mirë me pamjen tuaj.

Maskë me patate dhe limon

Përbërësit: 1 patate dhe 1/2 limon (lëng)

Përgatitja: Bluani pataten, vendoseni në një tas, pastaj shtoni gradualisht lëngun e limonit dhe përziejeni së bashku me një lugë ose shpatull derisa të keni një masë homogjene.

Përdorimi: Vendoseni përzierjen në fytyrën tuaj me lëvizje të butë rrethore, lëreni të qëndrojë për 20 minuta dhe lani maskën me ujë.

Kjo maskë ka një efekt të veçantë kundër njollave në fytyrën tuaj që merrni për shkak të rrezitjes së diellit. Në vetëm tre netë, do të shihni se lëkura juaj është edhe një herë pa shenja dhe njolla dielli.

Maskë kastraveci

Përbërësit: 1 kastravec dhe 1 e bardhë veze pule

Përgatitja: Tundni të bardhën e vezës derisa të formohet shkumë pastaj grini kastravecin duke përdorur një rende të imët (do të duhet të prodhoni 2 lugë tul kastraveci).
Shtoni tulin e kastravecit në shkumën e bardhë të vezës dhe trazoni mirë përbërësit.

Përdorimi: Pasi përzierja të jetë gati, aplikojeni atë në fytyrën tuaj dhe lëreni të veprojë për 15 minuta më pas lani maskën.

Maska është një freskues i shkëlqyeshëm. Plus trajton njollat, poret e hapura dhe zvogëlon rrudhat e syve.

Maskë limoni

Përbërësit: 1 e bardhë veze, 1 lugë çaji mjaltë, 1 lugë çaji qumësht, 1 lugë çaji me lëng limoni

Përgatitja: Rrihni të bardhën e vezës dhe shtoni pjesën tjetër të përbërësve në shkumën e bardhë të vezës, dhe trazoni gjithçka mirë. Për ta bërë përzierjen më të trashë, provoni të shtoni tërshërë të bluar.

Përdorimi: Vendosni maskën e fytyrës me kujdes. Lëreni të veprojë për 15 minuta.
Hiqni maskën duke përdorur një leckë të ngrohtë pastaj shpëlajeni fytyrën me ujë, duke shtuar disa pika infuzion kamomili.

Kjo përzierje do t’ju ndihmojë të heqni qafe shenjat e puçrrave, të ringjallni lëkurën e vdekur dhe të thatë dhe t’I jepni asaj shkëlqim

Maskë me shafran të Indisë

Përbërësit: 1/4 lugë çaji shafran i Indisë pluhur, 1 lugë gjelle avocado, 1 lugë çaji kos ose kefir

Përgatitja: Shtypni avokadon (ose duke përdorur një blender ose manualisht me një pirun) derisa të keni një tul të butë. Vendosni purenë e avokados, shafranin e Indisë dhe kosin në një tas të vogël dhe përzieni gjithçka mirë.

Përdorimi: Shpëlajeni fytyrën tuaj së pari. Vendosni maskën në lëvizje të butë rrethore. Lëreni maskën për 5 minuta pastaj lajeni.

Provoni këtë maskë për të qetësuar irritimet e lëkurës, për të trajtuar djegiet dhe për të lehtësuar dhimbjen e djegieve nga dielli. Përzierja gjithashtu zvogëlon inflamacionin dhe skuqjen e fytyrës dhe promovon shërimin e lëkurës. /Demokracia.com/