Policia e Kosovës ka njoftuar se ka arrestuar një 55 vjeçar, i cili dyshohet se ka ngacmuar seksualisht dy të mitura në një autobus që po udhëtonte nga Prishtina në Lipjan.
Në njoftimin e policisë thuhet se rasti është raportuar rreth orës 16:00, dhe sipas tyre ka qenë reagimi i shpejtë i zyrtarëve ai që ka rezultuar me arrestimin e personit të dyshuar, përcjell Demokracia.com.
“Sot rreth orës 21:00, hetuesit policor të stacionit në Lipjan, kanë arrestuar një person të dyshuar për ngacmim seksual. Rasti është raportuar rreth orës 16:00, ku i dyshuari A. Sh. mashkull 55 vjeç, dyshohet se në një autobus që po udhëtonte nga Prishtina, kishte ngacmuar dy të mitura”, thuhet në njoftim.
Policia më tej ka njoftuar se i dyshuari është dërguar në mbajtje.
Njoftimi i plotë:
Arrestohet një person i dyshuar për ngacmim seksual
Sot rreth orës 21:00, hetuesit policor të stacionit në Lipjan, kanë arrestuar një person të dyshuar për ngacmim seksual.
Rasti është raportuar rreth orës 16:00, ku i dyshuari A. Sh. mashkull 55 vjeç, dyshohet se në një autobus që po udhëtonte nga Prishtina, kishte ngacmuar dy të mitura.
Ka qenë reagimi i shpejtë i zyrtarëve ai që ka rezultuar me arrestimin e personit të dyshuar, i cili pas intervistimit me vendim të prokurorit është dërguar në mbajtje./Demokracia.com/