Gjilani njofton se gjendja shëndetësore e futbollistit Përparim Islami është stabile dhe jashtë ndonjë rreziku, përcjell Demokracia.com.
Futbollisti Islami pësoi një çarje në regjionin e arkadës (ana e djathtë) në një duel me futbollistin e Trepçës ’89 dhe u dërgua me urgjencë në spitalin rajonal të Mitrovicës, bën të ditur faqja zyrtare e klubit.
Nga kompletimi imazherik me CT dhe konsultë oftalmologu është përpunuar plaga, duke u suturuar (qepur) plot 15 herë, me ç’rast u konstatua fatmirësisht se është kursyer syri nga ky lendim.
Islami pësoi dëmtim të rëndë në ndeshjen e sotme ndaj Trepçës ’89 kur lojtari Peci bëri ndërhyrje të ashpër, me ç’rast u përjashtua me karton të kuq.
Islami u dërgua me urgjencë në spital, por fatmirësisht gjendja e tij tanimë është stabile.
Gjilani barazoi 1:1 me Trepçën ’89 në stadiumin “Riza Lushta” në Mitrovicë./Demokracia.com/