Mallorca mund ta shesë Vedat Muriqin në afatin kalimtar të verës.

Ylli kosovar po kërkohet nga disa skuadra evropiane, përfshirë këtu ato spanjolle, angleze, italiane dhe turke.

Së fundmi, në garë për “Piratin” është futur Galatasaray, i cili e sheh atë si pasues të Mauro Icardit, që mund të largohet nga Stambolli pas një sezoni të jashtëzakonshëm.

E ndërkohë, gjiganti turk mund t’ia mësyjë përfaqësuesit kosovar, i cili e bëri po ashtu një sezon të madh me 15 gola të shënuara në La Liga.

Klubi ishullor spanjoll ia ka vendosur çmimin kartonit të tij prej 20 milionë eurosh.

E Lazio po shpreson që Mallorca ta shesë me këtë çmim 29 vjeçarin.

Ju do të thoni pse?

“Biancocelesti” kur e kishin shitur Muriqin në Mallorca, marrëveshja mes tyre ishte që në shitjen e ardhshme eventuale të lojtarit, klubi italian do ta merrte 45% të shumës.

E kjo i bie që, nëse prizrenasi shitet për 20 milionë euro, 11 milionë do t’i marrë Mallorca dhe 9 milionë Lazio, shkruan “Gazeta Express”.

E ato para më pas Lazio po synon t’i shfrytëzojë për blerjen e ndonjë futbollisti tjetër.

Mbetet të shihet nëse ndonjëri klub i interesuar për Muriqin do ta paguajë këtë shifër.