Ministrja e Punëve të Jashtme dhe Diasporës, Donika Gërvalla, ka reaguar pas deklaratave të përfaqësuesit special të Bashkimit Evropian për dialogun Kosovë-Serbi, Mirosllav Lajçak.

Përfaqësuesi special i Bashkimit Evropian për dialogun Kosovë-Serbi, ka mirëpritur vendimin për shtyrjen e masës së reciprocitetit për targa dhe letërnjoftimet serbe, duke thënë se ky vendim i shtyrjes prej një muaji ishte propozim i kryediplomatit të Bashkimit Evropian, Josep Borrell, shkruan Demokracia.com.

LEXO EDHE: 

Lajçak mirëpret shtyrjen e reciprocitetit, thotë se ishte propozim i Borellit

Pas këtyre deklaratave ka reaguar ministrja e Punëve të Jashtme dhe Diasporës, Donika Gërvalla.

Gërvalla përmes një postimi në Twitter ka shkruar se faktet mbeten fakte dhe se ky shtyrja e vendimit për reciprocitet do të zbatohet vetëm nëse hiqen barrikadat.

“Faktet mbeten fakte. Kosova ka rënë dakord me propozimin e SHBA-ve dhe në përputhje me BE-në. Ne ramë dakord për një shtyrje deri më 1 shtator 2022, por vetëm nëse barrikadat hiqen deri më 1 gusht. Reciprociteti do të mbetet realitet, Kosova nuk ka “shtyrë” asgjë, rregullorja për letërnjoftimet ka hyrë në fuqi nga mesnata”, ka shkruar Gërvalla. /Demokracia.com/

Facts remain facts: ?? agreed to a ?? proposal. in line with the ??. We agreed on a pause until Sep 1, 2022 – but only if blockades are being removed by Aug 1. Reciprocity will remain the reality. ?? has not “postponed” anything, ID card regulation has been enacted by midnight. pic.twitter.com/hfVUZUFwfq

— Donika Gërvalla-Schwarz (@gervallaschwarz) July 31, 2022