Nesër Talat Xhaferi, politikan shqiptar nga Maqedonia e Veriut, pritet të votohet si kryeministri i parë shqiptar në Maqedoninë e Veriut.
Këtë ngjarje, Petrit Selimi, ish-zëvendësministër i Punëve të Jashtme, e ka cilësuar si ditë historike për krejt regjionin.
“Një ditë mjaft historike jo vetëm për Maqedoninë e Veriut, por gjithë rajonin. Vendi me shumicë sllave pritet të zgjedhë kryeministrin e parë shqiptar. Vendi ka bërë një rrugë të gjatë – duke përfshirë edhe anëtarësimin në NATO në vitin 2020 – për të përqafuar vlerat evropiane.” – shkroi ai në rrjetin social “X”.