Kryeministri kroat Andrej Plenkoviq tha në Pragë se pa “reagime të pashembullta dhe të stuhishme” nga Serbia, e cila akuzon Kroacinë se është përgjegjëse që Ballkani Perëndimor nuk është përjashtuar nga embargoja e BE-së për importin e naftës ruse.

“Me sa duket unë jam ushtashi kryesor atje (në Kroaci) në tre muajt e fundit. Serbia nuk mund të ulet në dy karrige”, tha Plenkoviq në Pragë, në prag të fillimit të samitit të komunitetit politik evropian.

Ai tha se Serbia mund të marrë çfarëdo nafte të dojë, vetëm jo naftën ruse.

“Serbia mund të ketë të gjithë naftën që i nevojitet – përveç ruse”, tha kryeministri kroat, siç raporton N1 Zagreb.

“Nëse ekonomia do të ishte në gjunjë… nëse qytetarët nuk do të kishin benzinë, kjo është tjetër gjë, por nëse Serbia do të kishte naftë më të lirë, e ne… çfarë do të ishim ne, budallenj”, pyeti Plenkoviq.

“E përjetova për herë të parë që isha ustash, kjo është një retorikë që është përtej çdo qëllimi dhe përtej çdo arsyeje. Serbia nuk do të kërcënohet”, tha Plenkoviq para takimit ku mori pjesë edhe presidenti serb Aleksandar Vuçiq, i cili tha se vetë Kroacia mburrej se është mirënjohëse që Ballkani Perëndimor nuk është përjashtuar nga embargoja e BE-së për importin e naftës ruse.

“E përsëris, Kroacia po bënte vetëm punën e saj, të cilën e bën që nga viti 41 e tutje. Kroacia thjesht po bën punën e saj, gjithçka që ka bërë në 70, 80 vitet e fundit. Nuk fajësoj fare”, tha presidenti i Serbisë duke debatuar me gazetarët nga Kroacia në Pragë.

Kryeministrja e Serbisë, Ana Brnabiq, vlerësoi më herët sot se “vendosja e sanksioneve të BE-së” ndaj Serbisë në sektorin energjetik, me “kërkesën e qartë dhe ultimatumin” e Kroacisë, do t’i shkaktojë drejtpërdrejt dëm qindra milionë eurove Serbisë dhe qytetarëve të saj. /Ballkani.info/