Kopshti zoologjik i Dallasit tha se leopardi i tyre i zhdukur u gjet i padëmtuar në pronën e kopshtit zoologjik të premten në mbrëmje, disa orë pasi kafsha ishte raportuar e zhdukur nga habitati i saj.

Departamenti i Policisë së Dallasit tha se ka nisur një hetim për të përcaktuar nëse habitati i leopardit ishte dëmtuar qëllimisht, duke lejuar që kafsha të arratisej.

Zyrtarët e kopshtit zoologjik bënë të ditur se kafsha, një femër me emrin Nova, ishte duke u kontrolluar nga stafi i tyre i veterinarëve, raporton UPI.

Kopshti zoologjik u mbyll për publikun gjatë së premtes dhe policia u thirr në objekt për të ndihmuar në kërkimin e Nova.

Në një postim në Facebook ata deklaruan se punëtorët e kopshtit zbuluan se leopardi mungonte nga rrethimi i tij kur arritën në objekt atë mëngjes, transmeton Telegrafi.

U lëshua një “Code Blue”, që do të thotë se një kafshë “jo e rrezikshme” mungonte në habitatin e saj.

Në një postim në Twitter të premten në mbrëmje, zyrtarët e kopshtit zoologjik të Dallas thanë se Nova u gjet pak para orës 17:15 sipas kohës lokale dhe “indikacionet fillestare janë se ajo nuk është lënduar”.