Kuvendi i Kosovës sot me fillim nga ora 10:00, do mbajë seancën konstituive të legjislaturës së tetë.
Lëvizja Vetëvendosje e cila në zgjedhjet e 14 shkurtit garoi së bashku me Listën “GUXO” të Vjosa Osmanit do të propozojnë Glauk Konjufcën kryeparlamentar në legjislaturën e re, pasi që janë parti e parë e dalë nga zgjedhjet, shkruan Demokracia.com.
Konjufca ishte në krye të organit më të lartë ligjvënës edhe në vitin 2019, kur LVV doli partia e parë në garën e ngushtë me LDK-në.
Mirëpo pas marrëveshjes së koalicionit me LDK-në, Konjufca u tërhoq nga pozita e kryeparlamentarit, për t’ia lënë vendin Vjosa Osmanit.
Ndërsa Konjufca në Qeverinë Kurti mori postin e ministrit të Punëve të Jashtme dhe Diasporës./Demokracia.com/