Të mërkurën Kuvendi Komunal i Prishtinës votoi buxhetin për vitin 2023 në vlerë 105 milionë e 675, 981 euro. Ky është buxheti më i madh në historinë e komunës.

Gjatë vitit të ardhshëm, komuna ka planifikuar të ndërtoi edhe tri shkolla të reja.

Një shkollë pritet të ndërtohet në lagjen “Kalabria”, për të cilën tashmë janë ndarë gjysmë milioni euro, për shkollën në Vranidoll janë ndarë 350 mijë euro ndërsa për ndërtimin e shkollës “7 shtatori” janë ndarë gjysmë milioni.

Përveç ndërtimit të tri shkollave të reja, Komuna ka paraparë edhe ndërtimin e një aneksi në shkollën “Pavarësia”. Për këtë ndërtim janë ndarë 800 mijë euro.

Këto projekte janë paraqitur në vjeshtën e vitit të kaluar nga kryetari i Komunës së Prishtinës, Përparim Rama.