Klubi i Basketbollit Rahoveci ka prezantuar përforcimin e ri të skuadrës. Jonathan Holton i është bashkuar klubit të Superligës së Kosovës.
Rahoveci nëpërmjet njoftimit në faqen zyrtare në Facebook ka bërë të ditur se përforcimi i ri është gati të debutojë në Final 8 të Kupës së Kosovës, shkruan Demokracia.com.
Të vetëdijshëm se shumë njerëz e “rezervojnë” kohën e tyre të martën mbrëma për Reality Show “Big Brother VIP Albania”, kanë kërkuar që për një moment ta heqin vëmendjen nga njëri prej banorëve më të komentuar.
NJOFTIMI I PLOTË:
WELCOME TO GRAPELAND JONATHAN
Harrojeni për një moment Luizin…
Ju prezantojmë me transferin tonë më të ri, Jonathan Holton, i cili do të përforcojë trapezin e ekipit për pjesën e mbetur të stinorit.
Jon, është i gjatë 206 centimetra dhe ka një karrierë tejet të mbreslënëse para vetes, duke luajtur në ekipe të shumta kryesisht nga Amerika Latine (Argjentinë, Meksikë) dhe vendet e Evropës (Estoni, Holandë e Hungari). Gjersa, eksperienca më konkurruese për të, ka qenë në Estoni tek ekipi i Kalev/Cramos me të cilët u paraqit edhe në ligën e fuqishme VTB League.
Ai është gati për Final 8./Demokracia.com/