ShowBiz
Ju kujtohen ‘Backstreet Boys’ dhe ‘NSYNC’ – Ata kanë një super suprizë për fansat
Demokracia
12:50 | 06 Qershor 2021

Share:

Backstreet Boys dhe NSYNC dy grupet e famshme të peridhës kur ishin në trend të ashtuquajturat ‘boy bands’ kanë qenë edhe rivale ë të kaluarën, mirëpo ata kanë mbetur miq të mirë.

Të dy grupet janë lidhur përmes Instagram me 2 qershor dhe prej këtij komunikimi ata erdhën në përfundim se duhet të bëjnë një bashkëpunim, shkruan Demokracia.com

Nick Carter i ‘Backstreet Boys’ foli me Lance Bass (NSYNC), Joey Fatone (NSYNC) dhe A.J. McLean (Boys Backstreet) në një videobisedë dhe siç rezulton, ata janë duke punuar të gjithë së bashku në një projekt të veçantë.

Carter tha: “Pasi ky është “Muaji i Krenarisë” (Krenaria homoseksuale ose krenaria LGBTQ+ është promovimi i vetë-pohimit, dinjitetit, barazisë dhe dukshmërisë së shtuar të lezbikeve, homoseksualëve, biseksualëve dhe transgjinorëve si një grup shoqëror. Krenaria, në krahasim me turpin dhe stigmën shoqërore, është pikëpamja mbizotëruese që mbështet shumicën e lëvizjeve të të drejtave LGBTQ+), unë mendoj se ne mund të themi diçka. Ajo për të cilën ne po flasim për të bërë…Ne nuk mund të zbulojmë shumë. Pra, në thelb, Lance, Joey, unë, ndoshta AJ, ne thjesht do të themi se do të bëjmë diçka të veçantë. Do ta shpall atë në javën e ardhshme…Dhe do të jetë e madhe. Do të jetë me të vërtetë e madhe dhe ne jemi vërtet të ngazëllyer”.

Bass zbuloi se çdo gjë që djemtë kanë në mendje është e lidhur drejtpërdrejt me ‘Muajin e Krenarisë’, ndërsa Joey Fatone nga ana tjetër tha se: “Kjo është një nga ato gjërat ku e gjithë “Krenaria” është vërtet e afërt dhe e dashur për zemrat tona. Ne të gjithë jetojmë në komunitetin e argëtimit ku ka shumë persona të komunitetit LGBTQ dhe ne e pranojmë këtë”.

Lance Bass preku pak gjithashtu dhe ironinë e ish rivalëve që punojnë së bashku dhe tha se ai mendon se koha është e përsosur.
“Rivaliteti ishte argëtues. Ishte kënaqësi të kesh ekipin tënd…Por pastaj nganjëherë ajo shkon pak më tej dhe mendoj se tani kjo botë është shumë e paqëndrueshme dhe e ndarë”.
Grupet ende nuk kanë konfirmuar nëse projekti është një këngë e përbashkët apo diçka tjetër, kështu që fansat do të duhet të mjaftohen me kaq tani për tani. Por një gjë është e sigurt, grupet më të mëdha muzikore të djemve të viteve ‘90 po përgatiten të na japin një dozë të mirë nostalgjie./Demokracia.com/

Të ngjashme