Zonja e Parë e Shteteve të Bashkuara, Jill Biden, është takuar me Presidenten e Sllovakisë Zuzana Caputova  në Bratislavë, sipas CNN.

Të dyja diskutuan mbështetjen e vazhdueshme të SHBA-së për Ukrainën, me Biden e cila shprehu mirënjohje për mënyrën se si Sllovakia i ka mirëpritur refugjatët, sipas një zyrtari të Shtëpisë së Bardhë.

“Gjatë vizitës sime në këtë vend të bukur, kam parë nga afër vlerat e përbashkëta që bashkuan Sllovakinë dhe Shtetet e Bashkuara si miq, partnerë dhe aleatë. Kjo përfshin përkushtimin tonë të përbashkët për të ndihmuar ata që kanë më shumë nevojë. Ne jemi pranë Sllovakisë ashtu si me popullin e Ukrainës.”

Biden, e cila bëri një vizitë të paparalajmëruar në Ukrainë, u tha mediave se kishte folur më pas me Presidentin Joe Biden.

“Unë i tregova se sa e nevojshme është të mbështesim popullin e Ukrainës dhe i fola për tmerret dhe brutalitetin që kishin përjetuar njerëzit që kisha takuar”, tha Jill Biden.