Ballkani për herë të parë në histori të tij do të luajë në Ligën e Kampionëve pasi edicionin e kaluar e fitoi titullin e kampionit në Kosovë, shkruan Demokracia.com.
Skuadra nga Suhareka pas shortit të hedhur në Nyon të Zvicrës për kundërshtar në rrethin e parë të Champions Leages do ta ketë skuadrën lituaneze Zalgiris.
Edhe pse nuk njihet si një skuadër shumë e suksesshme në garat ndërkombëtare, gjithsesi Zalgiris cilësohet si një rival i fortë për kampionët e Kosovës.
Ndeshja e parë luhet ën Prishtinë ndërsa ajo e kthimit do të zhvillohet në Vilnius.
Për dallim nga takimi i parë ku stadiumi i Prishtinës ofron kushte më të mira, stadiumi në Vilnius është shumë më i vogël me një kapacitet prej 5 mijë ulëseve.
Ballkani dhe Zalgiris do të ballafaqohen me 5 korrik në ndeshjen e parë në “Fadil Vokrri”, kurse ndeshja e kthimit do të zhvillohet pas një jave në Lituani.
Më poshtë mund t’i shihni disa foto sesi duket stadiumi i Zalgirist. /Demokracia.com