Simone Inzaghi këmbëngul se nuk është ‘e vërtetë’ që Interi refuzon Serien A në favor të Ligës së Kampionëve dhe Kupës së Italisë, pasi pas humbjes në shtëpi ndaj Monzas, përsërit se ata janë ‘ende në garë për të gjitha objektivat tona’.

Interi mund të ketë një këmbë në gjysmëfinale të Ligës së Kampionëve pas fitores 2-0 si mysafir ndaj Benficas dhe të ketë gjithçka për të luajtur kundër Juventusit në gjysmëfinalen e Kupës së Italisë, por forma e Serie A ka qenë e mjerueshme.

Një fitore ndaj Monzas do t’i lejonte ata të kalonin Milanin në vendin e katërt, megjithatë ata u mundën në Giuseppe Meazza nga Monza e sapo-promovuar me një gol me kokë nga Luca Caldirola.

Kjo është humbja e 11- të në Serie A e Interit në vetëm 30 ndeshje, vetëm një më pak se Monza, por edhe një herë problemi ishte evident pasi Interi kishte mjaft raste shënimi dhe nuk shfrytëzoi asnjë prej tyre.

“Ekipi pati një pjesë të parë të mirë që meritonte qartësisht më mirë, pastaj sa më gjatë që vazhdoi pa gol, ne u tensionuam dhe humbëm formën tonë. Është një fotokopje e ndeshjeve kundër Fiorentinës dhe Salernitanës, jemi të zhgënjyer dhe të zemëruar”, ka thënë fillimisht Inzaghi për Sky Sport Italia.

“Nuk është e vërtetë që ne nuk na intereson Seria A dhe duam vetëm të rrisim lojën tonë në garat e kupave. Ne donim shumë të fitonim dhe ky rezultat negativ ngadalëson përparimin tonë në ligë”.

“Ndoshta skuadra ndjen presionin që na duhen vërtet pikë në Serie A dhe kjo na bën të frustruar, ne humbasim mprehtësinë tonë dhe nuk e lëvizim topin pastër”.

Interi duhet të kualifikohet në Ligën e Kampionëve për të shmangur një ndryshim katastrofik në statusin e tyre financiar dhe siç qëndrojnë gjërat, ata janë në vendin e pestë.

“Jemi vetëm dy pikë larg Milanit dhe ka shumë ndeshje përpara, kështu që kemi shumë kohë për ta kompensuar atë. Ne jemi ende në garë për të gjitha objektivat tona”, përfundoi trajneri i Interit.