Qytetarët e Komunës së Prishtinës janë ankuar për rritje të çmimit të tatimit në pronë. Komuna ka thënë se rritja e tatimit është bërë për shkak të rivlerësimit të pronave nga Ministria e Financave, teksa kjo e fundit ka hequr përgjegjësinë nga vetja, duke thënë se shkallën e tatimit e përcaktojnë vetë komunat. Ndërsa, Asociacioni i Komunave të Kosovës (AKK), përmes një reagimi ka sqaruar se komunat nuk e kanë rritur çmimin e tatimit në pronë.

AKK-ja ka thënë se komunat nuk e kanë rritur normën tatimore, por sipas tyre, është bërë rivlerësimi i pronave nga Ministria e Financave dhe me këtë rast është rritur vlera e pronave bazuar në çmimet e tregut.

Megjithatë, pas rritjes së çmimit, Ministria e Financave e udhëhequr nga Hekuran Murati ka nënshkruar kontratë për konsulent për tatimin në pronë si mbledhje e detyrueshme e detyrimeve të tatimit në pronë.

Për këtë, Ministria e Financave do të paguajë 2 mijë e 400 euro, ka raportuar sot Demokracia.com.

DOKUMENT| Hekuran Murati paguan konsulent për t’i detyruar qytetarët ta paguajnë tatimin në pronë

Sipas kontratës së publikuar në Prokurim, Administrata Qendër, kontratën për konsulent e ka fituar Agron Çerkini. Ai do të paguhet nga 800 euro në muaj, për kontratën që do të zgjas 3 muaj.

Lidhja e Çerkinit me Muratin

Ministri Hekuran Murati, për çështjen e rritjes se tatimit në pronë kishte fajësuar edhe Qeveritë e kaluara.

Sipas Muratit, e gjithë kjo i ka rrënjët të një ligj i vitit 2018, që, siç thotë ministri, është miratuar në Qeverinë e Isa Mustafës, kur financat i menaxhonte, Avdullah Hoti, ndërsa Kuvendi e ka aprovuar, kur Qeverinë e kishte marrë Ramush Haradinaj.

Por për të zbatuar këtë vendim të “Qeverive të kaluara” ai ka paguar një konsulent.

Hekuran Murati paguan konsulent për t’i detyruar qytetarët ta paguajnë tatimin në pronë

Agron Çerkini është personi që do t’i marr 2 mijë e 400 euro për t’i detyruar qytetarët ta paguajnë tatimin në pronë. Gazeta Insajderi merr vesh se Çerkini është i afërt me babain e Ministrit Hekuran Murati.

Muhamet Murati (babai i Muratit) ka shoqëri me Çerkinin. Ata dalin edhe për të pirë kafe së bashku.

Në anë e majtë babai i Hekuran Muratit dhe në anën e djathtë Agron Çerkini.