Kandidatja e Lidhjes Demokratike të Kosovës (LDK) për komunën e Ferizajt, Sibel Halimi tha se politika ende vazhdon të jetë sfidë për gratë, por, sipas saj vetëm duke u sfiduar, ia del.
Halimi në një postim në rrjetin social “Facebook”, ka shkruar se do të vazhdojë të jap kontributin gjithmonë në fuqizimin e grave, pavarësisht epilogut përfundimtar, përcjell Demokracia.com.
Postimi i plotë:
Jashtëzakonisht e lumtur që e gjithë fushata dhe dita e zgjedhjeve shkoi ashtu siç e meriton Ferizaj!
Unë do të vazhdojë të jap kontributin tim kudo që jam gjithmonë në të mirë të vlerave njerëzore e fuqizimit të grave, pavarësisht epilogut përfundimtar. Kemi shumë për të bërë së bashku!
Politika ende vazhdon të jetë sfidë për gratë, por vetëm duke u sfiduar, ia dalim, sepse Ferizaj e Kosova meriton të jetë një vend modern dhe i emancipuar.
Falënderojë të gjithë aktivistët e veprimtarët që më qëndruan pranë përgjatë gjithë këtyre muajve! Ndërsa, fituesit përkushtim më të madhë tek nevojat elementare të qytetarëve të Ferizajt!/Demokracia.com./