Më 4 shtator 1998, në një garazh në Kaliforni, lindi një nga revolucionet më domethënëse të epokës së internetit: Google. Themeluesit e saj, Larry Page dhe Sergey Brin, janë sot ndër njerëzit më të pasur në botë, por, në fillim, ata nuk donin ta quanin kështu krijimin e tyre dhe as donin ta mbanin për vete, madje i propozuan edhe Yahoo-së nëse ishte e interesuar për ta blerë për një milion dollarë.

Në vazhdim do të lexoni disa kuriozitete mbi motorin më të famshëm të kërkimit në botë që ndoshta jo të gjithë i dinë!

Më 4 shtator 1998, lindi një nga revolucionet më të rëndësishme të epokës së internetit:Google. Kumbarët ishin dy studentë nga Universiteti Stanford, Larry Page dhe Sergey Brin, të cilët donin të krijonin një algoritëm që klasifikonte lidhjet (link) falë një shiriti kërkimi në të cilin mjaftonte të futeshin fjalë kyçe. Një revolucion i vërtetë, që arrihej me një klikim të thjeshtë.

VENDI I LINDJES – Si shumë kompani të tjera në botën teknologjike, edhe Google ka lindur në një garazh, më saktë atë të Susan Wojcicki, ndër të parat e punësuara nga Google dhe drejtuese e YouTube që nga viti 2014. Prej aty kompania u zhvendos fillimisht në Palo Alto dhe më pas në Mountain View (në foto).

EMRI ORIGJINAL – Google nuk quhej Google në fillim: në fakt, emri origjinal i zgjedhur nga dy themeluesit ishte Backrub, që fjalë për fjalë do të thotë “masazh i shpinës”. Emri daton nga ideja origjinale që Page dhe Brin kishin në 1996, atë të një algoritmi që do t’u jepte vota lidhjeve (links), duke i klasifikuar ato si pozitive ose negative. Me pak fjalë, një pararendës i indeksimit modern.

PSE GOOGLE – Google, megjithatë, nuk duhej të quhej Google: emri aktual është rezultat i një gabimi transkriptues të domenit. Ideja e Page dhe Brin ishte ta quanin Googol, termi i përdorur në matematikë për të treguar një 1 të ndjekur nga 100 zero.

TERMI GUGËLLO – Ndikimi i këtij motori kërkimi në kulturën masive ishte menjëherë i dukshëm: në vitin 2002 termi gugëllo (i shqipëruar) u përdor për herë të parë në një serial televiziv. Në vitin 2006, Fjalori anglisht i Oksfordit prezantoi zyrtarisht foljen “to Google” për të treguar kërkimet në internet. Sot, ekuacioni midis shërbimeve të kompanisë dhe një kërkimi të përbashkët në internet është tashmë i qartë.

NGJYRAT E LOGOS – Edhe zgjedhja e ngjyrave të logos ka një kuptim të saktë: themeluesit në fakt donin të përdornin ngjyrat kryesore duke filluar nga bluja, e kuqja, duke kaluar në të verdhë dhe duke u kthyer në blu. Sidoqoftë, në një pikë të caktuar, e gjelbra hyn në lojë, e cila nuk është një nga ngjyrat kryesore, dhe më pas përfundon me të kuqe. Një shenjë se si kompania dëshiron të bëjë të qartë se mendon ndryshe dhe nuk ndjek rregullat.

NGJYRA E BARDHË NË HOMEPAGE – Faqja kryesore ka qenë gjithmonë një himn në stilin minimal: pak artikuj, logoja e kompanisë në qendër në një sfond të bardhë. Një zgjedhje e cila megjithatë nuk ishte e qëllimshme: në fakt, në fillim dy themeluesit nuk kishin shumë përvojë me gjuhën HTML, prandaj nuk i kushtuan rëndësi ndikimit që mund të kishte. Nga viti 2001 një ndryshim i vogël: zgjedhjet, së pari në të majtë, u sollën në qendër, përpara se të zhvendoseshin në të djathtë.

NDIHHEM ME FAT – Butoni “Ndihem me fat” ka ekzistuar gjithmonë në faqen kryesore të Google, e cila fillimisht shfaqte rezultatet më të njohura në motorin e kërkimit, duke eliminuar në mënyrë efektive çdo renditje ose përmbajtje të sponsorizuar. Një zgjedhje që i ka kushtuar motorit të kërkimit pothuajse 100 milionë dollarë në vit, por që ka ndryshuar në kohë: sot klikimi i butonit ju çon në arkivin e doodle.

THE DOODLES – Kur hapim faqen e motorit të kërkimit, shpesh gjejmë vizatime të bukura që kujtojnë raste të caktuara: ato janë të ashtuquajturat shkarravina, të përdorura për herë të parë në 1998, kur Page dhe Brin përdorën “Burning man stick” pas një prej O-ve të Google, për të informuar përdoruesit se ishin jashtë zyrës. Në fakt ata po merrnin pjesë në festivalin e famshëm në Nevada.

MOTOJA – Google nuk ka një moto zyrtare, por një lloj qëllim të bashkuar: “Do the right thing; don’t be evil. Honesty and integrity in all we do. Our business practices are beyond reproach. We make money by doing good things”.  Përkthyer do të thotë: “Bëj gjënë e duhur, mos u bëj i keq. Ndershmëri dhe integritet në çdo gjë që bëjmë. Praktikat tona të biznesit janë përtej qortimit. Ne fitojmë duke bërë mirë”. Fraza, e reduktuar shpesh në “Mos u bëj i keq”, është pak impenjative: kjo është arsyeja pse sot ajo nuk është më e pranishme në kodin e sjelljes së punonjësve.

MUNDËSIA E HUMBUR E YAHOO – Jo të gjithë e dinë se Page dhe Brin, pasi krijuan versionin e parë të motorit të kërkimit, i propozuan Yahoo-së punën e tyre, duke thënë se donin ta shisnin produktin e tyre për një milion dollarë. Kompania tregoi pak interes atëherë, vetëm për të ndryshuar mendim disa vjet më vonë, kur në 2002 ofroi tre miliardë dollarë. Një ofertë që Page dhe Brin e refuzuan. Sot Google vlen pothuajse 200 herë më shumë./Infomedia